ახალი დროის სპეციფიკა უნიკალურ პრეპარატებშია...

აქტიური ნივთიერება:
ცეტირიზინის დიჰიდროქლორიდი 10 მგ.

გამოშვების ფორმა:
შემოგარსული ტაბლეტი №20. 
შეფუთვაში 2 ბლისტერი.

ანტიჰისტამინური საშუალება.

ცეტირიზინი – ანტიჰისტამინური პრეპარატია, რომელსაც ახასიათებს ალერგიის საწინააღმდეგო მოქმედება. ხასიათდება H1 ჰისტამინორეცეპტორების სელექციური ბლოკადით. იგი არ ავლენს ანტიქოლინერგულ და ანტისეროტონინულ თვისებებს. თერაპიული დოზით პრაქტიკულად არ იწვევს სედატიურ ეფექტს და ძილიანობას. პრეპარატი მოქმედებს ალერგიული რეაქციის “დაუყოვნებელ”-ჰისტამინდამოკიდებულ და “გვიან”-უჯრედულ სტადიებზე. ცეტირიზინი ამცირებს ეოზინოფილების მიგრაციას და ადჰეზიას მოლეკულების (ICAM-1 და VCAM-1) ექსპრესიას, რომლებიც წარმოადგენენ ალერგიული ანთებითი რეაქციების მარკერებს. იგი თრგუნავს ჰისტამინის ასევე ანთების სხვა მედიატორებისა და ინდუქტორების გამონთავისუფლებას, როგორიცაა PAF (თრომბოციტების გამააქტივებელი ფაქტორი) და სუბსტანცია P, ცეტირიზინი ამცირებს მსუბუქი მიმდინარეობის ბრონქული ასთმის ჰისტამინინდუცირებულ ბრონქოობსტრუქციას, ახასიათებს კანის ალერგიული რეაქციების მიმართ მაღალი მაინჰიბირებელი მოქმედება. პრეპარატი არ გადის ჰემატოენცეფალურ ბარიერს და პრაქტიკულად არ მეტაბოლიზდება ღვიძლში.

ცეტირიზინის მიღებიდან სისხლის პლაზმაში მაქსიმალური კონცენტრაცია აღინიშნება ერთი საათის განმავლობაში, ხოლო კლინიკური ეფექტი ვლინდება 2 სთ-ის შემდეგ. H1 ჰისტამინორეცეპტორების ბლოკადის ხანგრძლივობა 24 სთ-ზე მეტია. საკვების მიღება გავლენას არ ახდენს პრეპარატის აბსორბციის ხარისხზე, თუმცა ახანგრძლივებს მას. ცეტირიზინის თერაპიული დოზით გამოყენების შემთხვევაში არ ვითარდება ტოლერანტობა. მისი ნახევრადგამოყოფის პერიოდი მოზრდილებში შეადგენს 10-სთ-ს, 6-დან 12 წლამდე ბავშვებში 6 სთ-ს, ხოლო 2-დან 5 წლამდე ბავშვებში 5 სთ-ს.

- სეზონური ალერგიული რინიტი;
- ალერგიული კონიუნქტივიტი;
- ქავილით მიმდინარე დერმატოზები;
- პოლინოზი;
- ჭინჭრის ციება (მათ შორის ქრონიკული იდიოპათიური ჭინჭრის ციება);
- კვინკეს შეშუპება;
- ქრონიკული იდიოპათიური ურტიკარია;
- ქრონიკული ალერგიული რინიტი.

მოზრდილებში და ბავშვებში 12 წლიდან: 1 ტაბლეტი (10 მგ)  1-ჯერ დღეში.
6-12 წლამდე ბავშვებში 1 ტაბლეტი (10 მგ) დილას ან 1/2 აბი (5 მგ) 2-ჯერ, დილა-საღამოს.
2-დან 6 წლამდე ბავშვებში: 1/2 ტაბლეტი ერთჯერადად დილას ან 1/4 ტაბლეტი 2-ჯერ დღეში (დილა-საღამოს).
1-დან 2 წლამდე: 1/4 მგ 2-ჯერ დღეში;
6-თვიდან 12 თვემდე: 1/4 1-ჯერ დღეში.

კუჭ-ნაწლავის ტრაქტის მხრივ: პირის სიმშრალე, იშვიათად საჭმლის მომნელებელი ტრაქტის დისფუნქცია; ცნს-ის მცრივ: შესაძლებელია მცირედ გამოხატული ძილიანობა, თავის ტკივილი, თავბრუსხვევა, ერთეულ შემთხევევბში აგზნებადობა, ალერგიული რეაქციები: იშვიათად კანზე გამონაყარი ან ანგიონევროზული შეშუპება.
გვერდითი მოვლენები ვითარდება იშვიათად და გააჩნია გარდამავალი ხასიათი.

ცეტირიზინის მიმართ მომატებული მგრძნობელობა.

ცეტირიზინი რეკომენდებული დოზით არ აძლიერებს ალკოჰოლის მოქმედებას, თუმცა სიფრთხილის დაცვა აუცილებელია. იგი არ ახდენს გავლენას ფსიქიკურ და მოტორულ რეაქციებზე, მისი მიღება დასაშვებია ავტომობილის მართვისას და სხვა აქტიური სამუშაოს შესრულების დროს (დოზის მომატებისას საჭიროა სიფრთხილე).

ცეტირიზინი გავლენას არ ახდენს სხვა სამკურნალო საშუალებების მოქმედებაზე. ცეტირიზინისა და მაკროლიდების ან კეტოკონაზოლის კომბინცია ელექტროკარდიოგრამის მხრივ არ იწვევს ცვლილებებს.

ინახება ოთახის ტემპერატურაზე, ბავშვებისათვის მიუწვდომელ ადგილას.

უკან | გვერდის დასაწყისში | ბეჭდვა